XalqXəbər.Az

www.XALQXEBER.az » Cəmiyyət » Əli İnsanovun döydüyü iddia olunan ədliyyə mayoru-FOTOLAR

Əli İnsanovun döydüyü iddia olunan ədliyyə mayoru-FOTOLAR

Əli İnsanovun döydüyü iddia olunan ədliyyə mayoru-FOTOLAR
13-04-2017, 11:26

Sabiq səhiyyə naziri Əli İnsanovun cinayət işi üzrə zərərçəkən kimi tanınan şəxsin kimliyi bəlli olub. Sabiq nazirin ittiham aktına istinadən verdiyimiz xəbərə görə, bu, Ədliyyə Nazirliyi Penitensiar Xidmətin Əməliyyat-Rejim İdarəsinin Rejim-nəzarət şöbəsinin baş əməliyyat müvəkkili ədliyyə mayoru Anar Məmmədovdur.
İttiham aktına əsasən Əli İnsanov saxlandığı cəzaçəkmə müəssisəsinin inzibati binasında (rəis müavininə məxsus otaqda) barəsində protokol yazan Anar Məmmədovu döyüb. Əli İnsanovun zərbəsindən sonra Anar Məmmədov yıxılıb. Ona kəllə-beyin travması, habelə, digər xəsarətlərlər yetirilməsi barədə ekspertiza rəyləri ittiham aktına yazılıb.
Ancaq məhkəmə zalında ifadə verən Anar Məmmədovu görən proses iştirakçıları 71 yaşlı Əli İnsanovun idmançı cüssəli bir gənci döyməsinə təəccüblənib.
Prosesdən sonra döyüldüyü iddia edilən Anar Məmmədova yaxınlaşan əməkdaşımız hadisə barədə ondan soruşub:

Doğrudanmı, Əli İnsanova döyüləcək qədər zəifsiniz? Olay necə yaşandı, danışa bilərsinizmi?
Mən sizə niyə danışmalıyam ki…Fikirlərimi məhkəmədə demişəm. Əlavə deyəcəyim bir şey yoxdur. Hadisənin necə olması sizə maraqlıdırsa, məhkəmədə bunu öyrənə bilərsiniz.
Axı, inandırıcı deyil ki, yaşlı bir insan sizi 35 gün xəstəxanalıq edib. Əli İnsanov məhkəmədə bildirdi ki, siz ona qurulan oyunun iştirakçısı olmusunuz.
Mən sözümü məhkəmədə dedim. Təkrarlamağa ehtiyac yoxdur.
gününsesi.info
Əli İnsanovun döydüyü iddia olunan ədliyyə mayoru-FOTOLAR
Əli İnsanovun döydüyü iddia olunan ədliyyə mayoru-FOTOLAR

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.