XalqXəbər.Az

XalqXeber.Az » Cəmiyyət » 275 SAYLI MƏKTƏBDƏ TOY-TOYA QARIŞDI

275 SAYLI MƏKTƏBDƏ TOY-TOYA QARIŞDI

275 SAYLI MƏKTƏBDƏ TOY-TOYA QARIŞDI
30-04-2018, 15:41

Direktor, bəy olan bacısı oğlu ilə, 9-cu sinifində oxuyan təzə gəlinin toy məclisini 28.04.2018-ci il tarixinə,yəni öz ad gününə salıb

Məktəb gözətçisinin 9-cu sinif şagirdini götürüb qaçması xəbəri öz təsdiqini tapdı
Nazim Bağırov: “Bəs deyirdiniz gözətçi oğlan qızı qaçırdıb, indi bəlli olur ki, qız oğlanı qaçırdıb”.
275 saylı məktəbdə şok olay yaşanıb

Bakının Xətai rayonundakı 263 saylı orta məktəbin 1-ci sinifində təhsil alan şagirdin (oğlanın), həmin məktəbin 10-cu sinif şagirdi tərəfindən zorlanması, yaxud da müəyyən seksual zorakılığa məruz qalması iddiaları ilə bağlı qalmaqaldan sonra, bu gün Suraxanı rayonu 275 saylı məktəbdə gözətçinin 9-cu sinif şagirdini qaçırtması, yenidən gündəmi zəbt edən mövzulardan birinə çevrildi.
Təhsil eksperti Kamran Əsədli və təhsil sferası üzrə mütəxəssislər deyirlər ki, Bakı məktəbləri məhz Məhəbbət Vəliyevanın bu vəzifəyə təyin olunmasından sonra əsl bazara çevrilib. Repititor yanına gedən yuxarı snif şagirdlərinin pul qarşılığında dərslərdən azad edilməsi, uşaqlardan pul yığılması, müəllimlərin dərs keçməkdən başqa nə işlə desən məşğul olması onun vaxtında geniş yayılıb.
Bakı Baş Təhsil İdarəsinin tabeçiliyində fəaliyyət göstərən 275 saylı orta məktəbdə baş verən olaylar nəinki bu günün, hətta ötən illərin də ən aktual mövzularından biri olub. Adı çəkilən təhsil ocağında yaşananlar, hər kəsdə belə bir fikrin formalaşmasına səbəb olur ki, bu təhsil müəssisəsinin başı üzərində hansısa “kabus” dolaşır. Bu günlərdə baş verən növbəti olay isə, yeni bir qalmaqalın varlığına səbəb olur. Belə ki, bir-iki gün bundan əvvəl redaksiyamıza daxil olan məlumata görə, Fəridə xanım Şərifovanın rəhbərlik etdiyi 275 saylı məktəbdə gözətçi işləyən Ramin Əliyev, (hansı ki, xanım direktor hər kəsə Ramini bacısı oğlu kimi təqdim edibmiş) həmin məktəbin 9A sinifində təhsil alan X xanımı (ad şərtidir) götürüb qaçır. Yaşanan olayla bağlı belə bir məlumat da əldə etmişik ki, həmin xanım ötən həftənin 6- cı günü məktəbə gəlir və şagird yoldaşına məxsus mobil telefondan Ramin Əliyevə “gəl 20 Yanvarda görüşək” deyə mesaj yazır. Elə ki, ötən həftənin 6-cı günü onların “20 Yanvar” metrostansiyasının həndəvərində görüşləri baş tutur, o halda Ramin Əliyev onu Bakı şəhərinin Nardaran qəsəbəsinə götürüb qaçır.
Baş verənlərlə bağlı məlumatları redaksiyamıza çatdıran mənbə onu da qeyd edir ki, “əsərin qəhrəmanı”na çevrilən Ramin Əliyev, sən demə əvvəllər də yuxarı sinif şagirdləri ilə çalışdığı təhsil müəssisəsinin zirzəmisində günün müxtəlif saatlarında “minbir hoqqalardan çıxırmış”. Bu haqda çoxsaylı valideyinlər və kollektiv üzvləri tərəfindən direktor Fəridə xanım Şərifovaya bir neçə dəfə iradlar bildirilsə də, nədənsə adı çəkilən xanım hər zaman susmağa üstünlük verir. Bundan əlavə mənbə onu da qeyd edir ki, “şəxsən mən son üç ay ərzində dörd dəfə 275 saylı məktəbdə baş verənlərlə bağlı Bakı şəhər Təhsil İdarəsinin rəisi Məhəbbət xanım Vəliyevaya rəsmi qaydada məktubla müraciət etsəm də, hətta adı çəkilən qurumda inspektor vəzifəsini daşıyan Nazim müəllimlə iki dəfə görüşüb, onu da ətraflı məlumatlandırsam da, nədsənsə atdığım addımların heç bir nəticəsi olmadı. Mən o haqda da məlumatlı idim ki, gözətçi işləyən Ramin Əliyev kənar şagirdlərdən müəyyən məbləğdə pul alaraq onları məktəbə buraxır, məktəbin yuxarı sinif şagirdləri məktəbin damında qumar oynayır,spirtli işki qəbul edir, qızlara məxsus tualetin üst hissəsini deşir və tualetin içərisindəki yuxarı sinif şagirdlərini (qızları) mobil telefona çəkirlər. Bir müddət bundan əvvəl şagirdlər tualetin deşilmiş üst hissəsindən içəriyə işıq salan zaman şagirdlərdən biri bərk qorxub qaçan zaman yerə yıxılıb hüşunu itirir. Baş verən olayla bağlı həmin şagirdin hərbi xidmətdə olan qardaşı direktora xəbərdarlığını çatdırsa da, edilmiş xəbərdarlığın hər hansı nəticəsi olmur. Belə olan halda, olmazın olayla üz-üzə qalan şagirdin 279 saylı məktəbdə təhsil alan qohumu bir neçə nəfər şəxslə 275 saylı məktəbə gəlir və bu məktəbin 9-cu sinif şagirdləri ilə kütləvi dava-dalaş edirlər. Fəridə xanım Şərifovanın direktoru olduğu bu təhsil müəsisəsində belə bir olaylar baş versə də, nə Baş Təhsil İdarəsinin, nə də ki, 275 saylı orta məktəbin rəhbərliyi lazımi addımlarını atmırlar. Söylənilənlərə görə Fəridə xanım orda-burda danışır ki, “məni bu vəzifədən heç kəs çıxara bilməz, çünki direktorluq “post”una sahiblənmək üçün düz 35 min manat “pulumun başından keçmişəm” .
Dəryaz qəzetinin redaksiyasına daxil olan məlumatdan sonra “Ramin Əliyevin atdığı addımla bağlı Bakı şəhər Təhsil İdarəsinə rəsmi ünvanlanan müraciətimizdən sonra, adı çəkilən qurumun daxili nəzarət şöbəsindən Nazim Bağırov və Sərxan Rzayev 275 saylı məktəbdə araşdırma aparırlar. O zaman bəlli olur ki, X adlı şagird 6-cı gün qaçırdılıb, amma baş idarəyə yazılan cavabda isə, guya həmin şagirdin bazar günü qaçırıldığı qeyd olunur. Bundan əlavə, məktəbdəki delosunda qaçırdılan şagirdin doğum tarixi 25 sentyabr 1999-cu il olsa da, amma verilmiş cavab məktubunda guya onun doğum tarixi 03 noyabr 1998-ci ildir deyə qeyd olunur. Aparılan araşdırmadan sonra məsələlərə münasibət bildirən və baş verən olaya açıq-aşkar şəkildə rişxəndlə yanaşan Nazim müəllim bildirib ki, “ bəs deyirdiniz gözətçi oğlan qız qaçırdıb, indi bəlli olur ki, qız oğlanı qaçırdıb”.Yoxlamaya gələn innspektorlar təzə bəy- gəlinin şirinçayını içib gedirlər
Maraqlı hal odur ki, yaşanan olayla bağlı direktor bu gün də çalışır ki, “sudan quru çıxsın”. Yəni o, əsası olmayan bir çox informasiyanı dövriyyəyə buraxır. Məsələn, guya ki, X adlı şagird götürülüb qaçırıldıqdan sonra onun anası rəsmi qaydada polisə müraciət edir. Elə ki, hadisədən üç gün sonra bu yöndə araşdırma aparılır, o zaman bəlli olur ki, polisdə baş verən olayla bağlı heç bir məlumat yoxdur. O halda sual oluna bilər ki, xanım Şərifovanın bu cür dezinformasiyanı yaymaqda məqsədi nədir, yaxud da onun özü baş verənlərlə bağlı polisi niyə məlumatlandırmayıb? Yaxud da, xanım direktor əvvəllər Ramin Əliyevi hər kəsə bacısı oğlu deyə təqdim edirmiş, bu gün ondan niyə imtina edir? Hətta, onun “mənim bacım yoxdur, Ramin yaxın qohumumdur” deməsinin arxasında nələr dayanır? Necə olur ki, Fəridə xanım əvvəllər hər kəsə “bacım oğludur” deyə təqdim etdiyi Raminə seyfinin açarlarını etibar edirmiş, o, məktəbin giriş qapısında “bazar” açanda ona “qaşın üstə qara var” demirmiş, bu gün isə ondan üz döndərir? Deməli, … Baş verənlərə nəzər yetirdikdə belə bir qənaətə gəlmək olur ki, 275 saylı məktəbdə “bezpredel mühit” hökm sürdüyündən, bu təhsil müəsisəsində belə bir hoqqalar da baş verir.
Aşağıdakı şəkillər isə məktəbin Həmkarlar İttifaqının sədri Şahab İsayev və gəlini Uşaq Yaradıcılığı Birliyinin sədri İsayeva Xədicə Oqtay qızıdır. Onların əsas vəzifələri isə müəllim və şagirdlərdən Allah yolunda yığılan «nəzir-niyazları»direktora çatdırmaqdır.Direktor bu sahədə də ağıllı addım ataraq. yığılan nəzirlərə «haram»qatılmasın deyə bu görəvi dindar bir xanıma tapşırıb.
Direktor, təzə bəy olan bacısı oğlu ilə, 9-cu sinifində oxuyan təzə gəlinin toy məclisini 28.04.2018-ci il tarixinə,yəni oğlunun və öz ad gününə salıb.Tort da pis hazırlanmayıb haa..F şəkilində, pedaqoq düşüncəsi ilə hazırlanan tort Fəridə xanımın adının baş hərifidir.Necə deyərlər hər dördünü Allah xoşbəxt eləsin
Direktorun sağ əli olan ( şəkildə gördüyünüz) 65 yaşlı İbtidai siniflər üzrə müavini olan Bağdad Ağayevə təqaüd yaşına çatsa da nədənsə Fəridə xanım onu əldən buraxmaq istəmir. Deyilənlərə görə Bağdad xanım dərs bölgüsü zamanı müəllimlər arasında «ağbirçəklik»edib müəllimlərin dərs saatını cibinə uyğun,bağışlayın stajına uyğun bölür.
Müəllimlər bildirirlər ki,Bağdad müəllimə keçmiş sələfi olanHəcər müəllimənin atasına rəhmət oxutdurur. Belə ki, o 23 nəfər ibtidai sinif müəllimələrindən tələb edib ki,hər biriniz 50 manatdan yığın direktoru təbrik edək.Elə müəllimələr olub ki, üstlərində o qədər pulun olmadığını bildirdikdə o, müəllimələrə bərk əsəbiləşib və qəti şəkildə tapşırıb ki,onda 1- ci gün hər kəs hazırlıqlı gəlsin. Hətda elələri olub ki,özünü direktora şirin salmaq üçün 100 manatdan nağd verib.
Mənbənin verdiyi məlumata görə, müəllimlər 6 manatdan «atışaraq» şəkildə gördüyünüz bu F hərifli tort və gül hədiyyəsindən başqa çəkisindən və vəzifəsindən asılı olaraq hərəsi 50-100 manatlıq»konvert»hədiyyəsi də ediblər.

Mövzu diqqətimizdədir.

Dəryaz qəzeti
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI
275 SAYLI MƏKTƏBDƏ TOY-TOYA QARIŞDI

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.