Hələ ötən il keçirilən referendumdan sonra bir sıra rayon icra hakimiyyəti başçılarının yerlərinin dəyişdiriləcəyi, bəzilərinin isə birdəfəlik olaraq görəvdən alınacağı haqda müxtəlif səpgili, anons xarakterli informasiyalar yayılmaqda idi. Bununla bağlı yeni gəlişmələr var.

Mötəbər mənbələrdən daxil olan informasiyalardan aydın olur ki, hazırda Gədəbəy, Ağsu, Xaçmaz,Lənkəran və Qusar rayon icra hakimiyyəti rəhbərlərinin vəzifələrini itirəcəyi gözlənilir. Bu barədə gələn xəbərlərdən aydın olur ki, sözügedən rayon başçıları postlarından birdəfəlik alınır və onların yenidən etimada layiq görüləcəkləri inandırıc deyil.

Eyni zamanda Bakının Yasamal, Xəzər və Sabunçu RİH başçılarının da vəzifələrini itirəcəkləri vurğulanır. Bu barədə mənbənin dia.az-a söylədikləri: "Yasamala əyalətdən başçı gətiriləcək. Hələlik kimin namizədliyi ağırlıq təşkil edir - bu tam bəlliləşməyib. Yasamalın icra başçısının isə Sabunçuya göndəriləcəyi gözlənilir. Sabunçunun hazırki RİH rəhbəri Adil Vəliyevin isə Xəzər rayonuna göndərilməsi ehtimal olunur".

Bu barədə əlavə bilgilərimiz olacaq. Bizi izləyin...