XalqXəbər.Az

www.XALQXEBER.az » Sosial » "Yelo bank” qazilərlə şəkil çəkdirə bilir, borclarını silmir – Foto

"Yelo bank” qazilərlə şəkil çəkdirə bilir, borclarını silmir – Foto

"Yelo bank” qazilərlə şəkil çəkdirə bilir, borclarını silmir – Foto
23-11-2020, 10:00

"Yelo bank” Vətən müharibəsində 25 qəlpə yarası almış qəhrəmanımız İlqar Həsənlinin kredit borcunu silməkdən imtina edib. Reportyor.info-nun verdiyi xəbərə görə, bu haqda sosial mediada şəkillər paylaşılıb.
Bankın bu addımı ictimai qınağa səbəb olub və şərhlərdə sərt tənqidlər səsləndirilib.
Vətən üçün, “Yelo bank” rəhbərliyinin rahat və təhlükəsiz yaşaması üçün canını qurban verən, sağlamlığını itirən hərbçimizə bu münasibət ikrah hissi doğurur.
Bank rəhbərliyi bunun səbəbini guya maliyyə problemi ilə izah edib. Halbuki, qazinin borcunu silmək imkanları kifayət qədər var və qeyd-şərtsiz bu addım atılmalı, cəmiyyətdə təqdir qazanılmalıydı. Ən əsası İ.Həsənlini böyük yükdən, çətinlikdən azad etmək olardı.
Başqa bir xəbərdə isə “Yelo bank” Şuşa döyüşlərinin rəşadətli bir igidini, Qarabağ əlilini ziyarət edib. Bank əməkdaşları qazinin evinə tort aparıb, foto çəkdirib və yayıb.
Amma bank müştərisi olan həmin qəhrəmanın borcunun silinməsi və yaxud azaldılması haqda bir sətir də məlumat verməyib.
"Yelo bank” qazilərlə şəkil çəkdirə bilir, borclarını silmir – Foto

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.