XalqXəbər.Az

www.XALQXEBER.az » Sosial » Ötən il işə salınan elektron sistemlər il ərzində 200 minədək təyinatın e-qaydada aparılmasına imkan verir

Ötən il işə salınan elektron sistemlər il ərzində 200 minədək təyinatın e-qaydada aparılmasına imkan verir

Ötən il işə salınan elektron sistemlər il ərzində 200 minədək təyinatın e-qaydada aparılmasına imkan verir
8-01-2020, 11:15

Əmək və Əhalinin Sosial Müdafiəsi Nazirliyi tərəfindən 2019-cu ildə 21 sosial təminat növü üzrə elektron təyinat sistemi qurularaq işə salınıb.
Belə ki, ötən ilin əvvəlindən yaşa və əlilliyə görə pensiya növlərinin təyinatı avtomatlaşdırılmaqla, il ərzində daha 19 müavinət-təqaüd növü üzrə e-təyinat sistemləri də fəaliyyətə başlayıb. Onların sırasına uşağın doğulmasına görə birdəfəlik müavinət, əlilliyə, yaşa görə və sağlamlıq imkanları məhdud uşağa, şəhid ailəsi üzvlərinə, şəhidlərin, müharibə əlillərinin, 20 Yanvar əlillərinin, müddətli həqiqi hərbi xidmət qulluqçularının uşaqlarına aylıq müavinət, şəhid ailələrinə, həmçinin fəxri adlara görə Prezidentin aylıq təqaüdü və s. kimi müavinət və təqaüd növləri daxildir.
Ötən il 15 mindən çox şəxsə e-qaydada pensiya, son aylarda fəaliyyətə başlayan e-təyinat sistemləri vasitəsilə isə artıq 20 mindən çox şəxsə e-qaydada müavinət-təqaüd təyin edilib.
Ümumilikdə 2019-cu ildə qurulan elektron sistemlər il ərzində sosial təminat növləri üzrə 200 minədək təyinatın elektron qaydada həyata keçirilməsinə imkan verir.

AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİ

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.