Milli Məclisin (MM) Mədəniyyət komitəsinin sədri Rafael Hüseynov Azərbaycan Xalq Cümhuriyyətinin 100 illiyi ilə bağlı keçmiş “26-lar”, indiki “Sahil bağı”nın “Cümhuriyyət bağı” adlandırılması təklifi ilə çıxış edib.
R.Hüseynov bunu MM-in qarşıdan gələn 2018-ci il yaz sessiyası ilə bağlı parlamentin Mədəniyyət komitəsinin yanvarın 29-dakı ilk iclasında çıxışı zamanı deyib.
Onun sözlərinə görə, həmin bağın “Cümhuriyyət bağı” adlandırılması AXC-nin 100 illiyinə ən böyük töhfələrdən biri olardı:
“Hesab edirəm ki, həmin bağ “Cümhuriyyət bağı” kimi adlandırılmalıdır. Bunun çox mənəvi-siyasi önəmi var. Bu, “Cümhiriyyət ili”nə ən böyük töhfə olardı”.
