XalqXəbər.Az

www.XALQXEBER.az » Bölgə » İcra başçısı karantin qaydalarını belə pozdu - FOTOFAKT

İcra başçısı karantin qaydalarını belə pozdu - FOTOFAKT

İcra başçısı karantin qaydalarını belə pozdu - FOTOFAKT
8-07-2020, 19:48

Bu gün Quba Rayon İcra Hakimiyyətinin başçısı Ziyəddin Əliyev rayonun hüquq-mühafizə orqanlarının rəhbərləri ilə birlikdə əhalinin daha çox toplaşdığı şəhərin avtovağzalında olublar. 12 nəfərdən artıq heyət rayonun mərkəzi bazarının ərazisində, o cümlədən bir sıra ticarət və ictimai-iaşə obyektlərində insanlarla görüşüb.

İcra hakimiyyətindən verilən məlumata görə, tədbir koronavirus pandemiyasının yayılmasının qarşısının alınması məqsədilə həyata keçirilib. Əhali ilə görüşdə maarifləndirmə və izahat işləri aparılıb, onlara xüsusi karantin rejiminin qaydalarına əməl edilməsi barədə çağırış edilib.

“MediaPost” xatırladır ki, iyulun 5-dən Azərbaycan ərazisində ictimai yerlərdə, o cümlədən küçələrdə, parklarda və digər yerlərdə şəxslərin (yaxın qohumlar, yəni ata-ana, nənə-baba, uşaqlar və bacı-qardaşlar istisna olmaqla) 5 nəfərdən artıq qruplarda cəmləşməsi qadağan edilib.

Bu barədə Nazirlər Kabineti yanında Operativ Qərargah qərar qəbul edib.

Qərarda bildirilir ki, virusa yoluxma dinamikasının azaldılması istiqamətindəki tədbirlər çərçivəsində bütün ölkə ərazisində ictimai yerlərdə, o cümlədən küçələrdə, bulvarlarda, parklarda və digər yerlərdə şəxslərin (yaxın qohumlar, yəni ata-ana, nənə-baba, uşaqlar və bacı-qardaşlar istisna olmaqla) 5 nəfərdən artıq qruplarda cəmləşməsi qadağan edilir.
İcra başçısı karantin qaydalarını belə pozdu - FOTOFAKT

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.