Azərbaycan Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov erməni təxribatı nəticəsində iki mülki vətəndaşın ölməsinə reaksiya verib.

N.Məmmədov baş verənlər qarşısında susan beynəlxalq QHT-ləri ittiham edib:

“İnsan haqlarının müdafiəsini özlərinin əsas missiyası hesab edən beynəlxalq QHT Alxanlı kəndini atəşə tutaraq uşaq və nənənin vəhşicəsinə qətli ilə bağlı, görəsən niyə ağızlarını açıb bir söz demirlər, nə səbəbə susurlar. Qəribədir deyilmi?

Hesab edirəm ki, insan haqları məsələsində ədalətli və səmimi olsaydılar, bu sahəyə çox “diqqət yetirən” bir sıra böyük dövlətlərin rəsmiləri də Alxanlıda dinc insanların qətlinə münasibət bildirərdilər. Amma, əfsuslar”.