XalqXəbər.Az

www.XALQXEBER.az » Hadisə » Şirvanda tükürpədici qətl : Ər arvadının şah damarını yatdığı yerdə kəsib

Şirvanda tükürpədici qətl : Ər arvadının şah damarını yatdığı yerdə kəsib

Şirvanda tükürpədici qətl : Ər arvadının şah damarını yatdığı yerdə kəsib
27-02-2020, 10:53

Ötən gün Şirvan rayonunda dəhşətli qətl hadisəsi törədilib...
Kişi həyat yoldaşının boğazını kəsərək qətlə yetirib.

Hadisə Sənaye zonasında baş verib. 1984-cü il təvəllüdlü Nağıyev Sahib İdris oğlu ailə-məişət münaqişəsi zəminində həyat yoldaşı - Zəngilan rayon sakini, 1986-cı il təvəllüdlü Nağıyeva Pərvanə Vaqif qızını yaşadıqları mənzilin yataq otağında qətlə yetirib.

O, həyat yoldaşını çarpayıda yatdığı halda boğaz nahiyəsinin əsas damarını bıçaqla kəsib. Çox qan itirən Pərvanə Nağıyeva hadisə yerində ölüb.

Pərvanə Nağıyeva 2 uşaq anası olub. Qətlin hansı səbəbdən baş verdiyi araşdırılır.

Sahib Nağıyevin anası bildirib ki, hadisə zamanı o evdə olub:

“Saat 8-9 radələrində Sahib evə gəldi. Sonra ər-arvad yuxarı evə getdilər. Bir azdan oğlum qayıdıb gəldi. Soruşdum ki, Pərvanə hanı? Dedi ki, yatıb, qoy yatsın. Sonra Sahib təzə evi su basıb deyərək, uşaqlarını da götürüb getdib, biz gedirik evə baxmağa.

Suyu bağlayıb gəlirik. Mən də evdə tək qaldım. Gəlinin yanına getmədim ki, bir az əsəbidir. Qoy yatsın. Sonra bildim ki, gəlin ölüb. Mənim gəlinimin günahı yoxdur”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.