XalqXəbər.Az

XalqXeber.Az » İqtisadiyyat » "Kredit Servis" BOKT çöküş yolunda... - xalis mənfəəti 42% azalıb

"Kredit Servis" BOKT çöküş yolunda... - xalis mənfəəti 42% azalıb

"Kredit Servis" BOKT çöküş yolunda... - xalis mənfəəti 42% azalıb
4-06-2021, 12:33

"Kredit Servis" MMC bank olmayan kredit təşkilatı (BOKT) 2020-ci ili 94 min manat xalis mənfəətlə başa vurub.

“Report” BOKT-un maliyyə hesabatına istinadən xəbər verir ki, bu, 2019-cu illə müqayisədə 41,6% azdır.

Ötən il "Kredit Servis"in vergiyəqədərki mənfəəti 118 min manat (əvvəlki ilə nisbətən 40,4% az), mənfəət vergisi ödəmələri isə 24 min manat (36,8% az) təşkil edib.

Bu il yanvarın 1-nə "Kredit Servis"in aktivləri 1,556 milyon manat olub ki, bu da illik müqayisədə 7,9% azdır. Bunun 1,337 milyon manatı müştərilərə verilmiş xalis kreditlərdir. 2020-ci ildə BOKT-un kredit portfeli 3,3% kiçilib.

Hesabat dövründə "Kredit Servis"in öhdəlikləri 7,3% artaraq 161 min manata çatıb, balans kapitalı isə 9,7% azalaraq 1,395 milyon manata, o cümlədən nizamnamə kapitalı 5,8% azalaraq 1,283 milyon manata düşüb.

Xatırladaq ki, "Kredit Servis" 2011-ci ildə yaradılıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.