Tanınmış bəstəkar, əməkdar incəsənət xadimi Tahir Əkbərin vəziyyəti ağırlaşıb.
Bu barədə AzNews.az-a bəstəkarın həyat yoldaşı məlumat verib. Onun sözlərinə görə, həkimlər Tahir Əkbərin beyninin fəaliyyətinin dayandığını bildirib:
“Həkimlər nə lazımdırsa, etdilər, amma nəticəsi olmadı. 3 həftədən yuxarıdır ki, səhhəti qəfildən ağırlaşdı. Bütün müayinələr olundu, məlum oldu ki, beyninin fəaliyyəti dayanıb. Həkimlər daha ümid yoxdur deyə, onu evə aparmağımızı məsləhət gördülər. Tahir evdədir, daha onun yaşamasına ümid yoxdur”.
Qeyd edək ki, T.Əkbərin 2017-ci ilin noyabr ayında səhhəti ağırlaşıb. Həkimlər onun insult keçirdiyini bildirib.