XalqXəbər.Az

www.XALQXEBER.az » Gündəm » “Açıq deyəcəm, biz artıq yorulmuşuq” - Səfir Zəhradan danışdı

“Açıq deyəcəm, biz artıq yorulmuşuq” - Səfir Zəhradan danışdı

“Açıq deyəcəm, biz artıq yorulmuşuq” - Səfir Zəhradan danışdı
6-07-2017, 14:02

Azərbaycanın Rusiyadakı səfiri Polad Bülbüloğlu Alxanlıda baş verənlərlə bağlı danışıb. Səfir dünya ictimaiyyətini baş verənlərə laqeyd qalmamağa səsləyib:

“Bu, mülki vətəndaşların öldüyü ilk belə hadisə deyil. Ən pisi isə ondur ki, uşaqlar ölür. Vaxt vardı xüsusi bomba yerləşdirilən oyuncaqlar çayla axıdılırdı, bu yolla neçə-neçə azərbaycanlı uşaqlar ölmüşdü. Təəssüf ki, o zaman dünya ictimaiyyətindən qarşı tərəfin ünvanına ittihamlar eşitmədik. Ümid edirik ki, bugünki hadisə onların diqqətini çəkəcək.

İki yaşlı Zəhra öldü ki, dünya ictimaiyyəti başa münaqişənin başa çatdırılmalı olduğunu başa düşsün. Münaqişə beynəlxalq hüquq çərçivəsində bitməlidir. Dinc vətəndaşlar ölür, uşaqlar ölür, dünya buna necə biganə yanaşır?

Kimin aqressor kimin qurban olduğu aydındır. Bəllidir, kim nə istəyir və bunu hansı yolla əldə etmək istəyir.

Azərbaycan prezidenti dəfələrlə bəyan edib ki, münaqişənin sülh yolu ilə həllinə sadiqik. Lakin münaqişə həll olunmur. Hamımız şahidik ki, Azərbaycan xalqı çox səbirlidir. Lakin açıq deyəcəm, artıq 70 yaşı olan mənim nəslimin nümayəndələri yorulublar. Biz bu məsələnin həll olunmasını istəyirik”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.