Cəlilabadda fermerlər min bir əziyyətlə becərdikləri kartofun pulunu ala bilmirlər.
Xalqxeber.az-ın məlumatına görə, İnfom.az-a danışan sakinlər bildiriblər ki, rayonun Muğan və Söyüdlü kənd sakinləri kartoflarını nisyə veriblər. Ümumilikdə isə verdikləri kartofun qiyməti 230 min manat edir. Amma aradan bir neçə ay keçməsinə baxmayaraq onlar məhsullarının pullarını ala bilmirlər.
Onların sözlərinə görə məhsulları Rusiya bazarına daşınıb. Ortada isə vasitəçilər var. Sakinlər bildiriblər ki, əgər pulları qaytarılmasa, məcbur olub aidiyyatı qurumlara şikayət edəcəklər. Amma ortada vasitəçilik edən şəxslər sakinlərdən vaxt istəyib.
