XalqXəbər.Az

www.XALQXEBER.az » Aktual » Fərəc Quliyev və Mehman Hüseynovun qeydiyyatı ləğv oluna bilər

Fərəc Quliyev və Mehman Hüseynovun qeydiyyatı ləğv oluna bilər

Fərəc Quliyev və Mehman Hüseynovun qeydiyyatı ləğv oluna bilər
4-02-2020, 09:50

MSK Fərəc Quliyev və Mehman Hüseynovun qeydiyyatını ləğv edə bilər...
Deputatlığa bir namizədin digərini şirnikləndirmək cəhdinə dəlalət edən audioyazı ilə əlaqədar Dairə Seçki Komissiyasına müraciət etmək lazımdır. Ciddi qanun pozuntusu əlamətləri göz önündədir. Bu barədə Turan-a MSK-dakı mənbə anonim qalmaq şərtilə bloger Mehman Hüseynovun audioyazı yaymasını şərh edərkən bildirib.

Xatırladaq ki, bu yazıda onun parlament seçkilərində rəqibi, əvvəlki çağırış parlamentin deputatı Fərəc Quliyev seçkilərdən çəkilməsi üçün ona pul təklif edir.

Bundan başqa, cinayət tərkibi olduğuna görə iş prokurorluq tərəfindən araşdırılmalıdır. Eyni zamanda, mənbə bildirib ki, son nəticədə hər iki tərəfin qeydiyyatı ləğv oluna bilər, belə ki, hər iki tərəfin məsuliyyəti var.

Amma mənbə hansı addımların atılacağını əvvəlcədən deməkdən çəkinib. (aztoday.az)

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.