“Böyük İyirmilik” (G20) sammitinin keçirildiyi Hamburq şəhərində kapitalizm əleyhdarları ilə polis arasında çaxnaşma davam edir.
Xarici KİV-ə istinadən xəbər veririk ki, dünəndən başlayan hadisələr zamanı 111 polis yaralanıb, 44 etirazçı saxlanılıb.
Küçələrdə çoxlu sayda avtomobil yandırılıb, yollarda barikadalar qurulub.
Polis təzyiqli su və gözyaşardıcı qazla etirazçılara müdaxilə etsə də, onları sakitləşdirmək mümkün olmayıb.
Çarəsiz qalan Hamburq polisi digər şəhərlərdən və Almaniya ordusundan dəstək istəyib.