NATO-nun sammitinə qatılan liderlərin xanımlarının birgə çəkdirdiyi şəkil müzakirə mövzusuna çevrilib.
Xarici KİV-ə istinadən xəbər veririk ki, şəkildə diqqət çəkən məqam xanımların yanında bir kişinin durmasıdır.
Məlum olub ki, həmin şəxs Lüksemburqun homoseksual baş naziri Xavier Bettelin həyat yoldaşı Gauthier Destenaydir.
42 yaşlı Bettel memar sevgilisi Gauthier Destenayla 2010-cu ildən bir yerdə yaşayır. Onlar 2015-ci ildə rəsmi nigaha daxil olublar.
Qeyd edək ki, xatirə fotosunda ABŞ prezidenti Donald Trampın xanımı Melaniya Tramp da yer alıb.