Almaniyadan deportasiya ediləcək qaçqınların məcburi şəkildə mobil telefonları yoxlanılacaq

Bu mühacirlərin vətənə geri qaytarılmasına dair yeni qanun qüvvəyə mindikdən sonra mümkün olub.

xalqxeber.az xəbər verir ki, bu barədə Spiegel-Online nəşri məlumat yayıb.

Yeni qaydalara görə, məlumatların yoxlanılması üçün telefon sahibinin şəxsi icazəsindən yan keçmək mümkün olacaq.

Federal miqrasiya və qaçqınlarla bağlı məsələlər üzrə nazirliyin yerli şöbələri gün ərzində 2400 qurğunu oxuya biləcək proqram təminatı ilə təchiz ediləcək. Xaricilərin qeydiyyata alınması üzrə mərkəzi reyestrin dəyərləndirməsinə görə, 213000 nəfər ölkədən təcili deportasiya olunmağı gözləyir.

Yanvar ayının 29-da Almaniyanın maliyyə naziri Volfqanq Şoyble 2015-ci ildə mühacirlərin kütləvi qəbul edilməsinə dair qərarın yanlış olduğunu etiraf edib.

Yanvarın 11-də Almaniya DİN rəhbəri Tomas de Mezyer ölkəyə gələn qaçqınların sayının kəskin azaldığını qeyd edib. Onun məlumatına görə, 2016-cı il ərzində Almaniyaya 280 min mühacir gəlib, halbuki bir il öncə bu mühacirlərin sayı 890 min nəfər olub.