İranda dünən axşam baş verən 5,4 bal gücündə zəlzələdən sonra bu gün növbəti təkan qeydə alınıb.

ABŞ Geoloji Araşdırmalar Mərkəzinin verdiyi məlumatda Kərman şəhərindən 56 km məsafədə hiss edilən zəlzələnin gücü 5,9 bal göstərilir.

Kərmanda 1 dekabr tarixində 6 bal gücündə zəlzələ olmuş, 40-dan çox insan yaralanmışdı.

Qeyd edək ki, İran-İraq sərhəddində ötən ay meydana gələn 7,3 bal gücündəki təkan 530-dan çox insanın ölümünə səbəb olmuşdu.