Səudiyyə Ərəbistanında rüşvətxorluq və korrupsiyaya qarşı mübarizə çərçivəsində həbs edilən milyarder şahzadələr saxlanıldıqları yerdən selfi çəkib paylaşıblar.

Xarici mediaya istinadən xəbər veririk ki, paytaxt Riyadda yerləşən 5 ulduzlu "Ritz Carlton" hotelində saxlanılan şahzadə Əl Vəlid İbin Təlal və kral mühafizəçiləri naziri Mütaib İbin Abdulla selfi çəkərək sosial mediada paylaşıblar. Bu foto böyük maraqla qarşılanıb. Şəkildə yer yataqlarında uzanan milyarderlərin üzləri gülür və kefləri yerindədir.

Qeyd edək ki, 4 noyabrda başlayan həbslər barədə bu günə qədər heç bir açıqlama verilməmiş və foto yayımlanmamışdı.