XalqXəbər.Az

www.XALQXEBER.az » Dünya » Ermənilərdən daha bir həyasızlıq

Ermənilərdən daha bir həyasızlıq

Ermənilərdən daha bir həyasızlıq
23-10-2017, 10:51

Almaniyanın Köln şəhərində erməni yepiskopluğu tərəfindən keçirilən tədbirdə Türkiyə və Azərbaycanın yarısı, eləcə də Şimali Kipr Türk Cümhuriyyəti Ermənistanın ərazisi kimi göstərilib.

Türk mediasına istinadən xəbər veririk ki, erməni diasporası Köln katolik kilsəsinin iclas mərkəzi kimi istifadə olunan Domforum binasında tədbir keçirib. “Erməni mədəniyyəti və tarixi – Susqun Ararat” adlı paneldə xəyali bir xəritə nümayiş olunub. Xəritədə Şimali Kipr Türk Cümhuriyyəti, Azərbaycan və Türkiyənin yarısı Ermənistan ərazisi kimi göstərilib. Həmçinin xəritədə İstanbulun da üstünə “iks” işarəsi qoyulub.

Ermənilərin növbəti həyasızlığı böyük etiraza səbəb olub. Sosial şəbəkələrdə həm tədbirin təşkilatçılarına, həm də Almaniyanın müvafiq qurumlarına sərt reaksiyalar yağdırılıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.