Meksikada zəlzələ nəticəsində ölənlərin sayı dayanmadan artır.

Ölkənin xilasetmə xidmətinin rəhbəri Luis Felipe Puente daha əvvəl ölənlərin 150 nəfər olduğunu açıqlasa da, artıq bu rəqəmin 248-ə çatdığını deyib. Hər saat itkinin artığını qeyd edən Puente ən çox itkinin Mexikoda (117 nəfər ) olduğunu bildirib. Onun sözlərinə görə, ölənlərin 72 nəfəri Morelos ştatı, 43-ü Puebla, 12-si Edomeks, 3 nəfər Herroro, 1 isə Oaxaka bölgəsindəndir.

Xarici KİV-lərdə yer alan xəbərlərdə qeyd edilir ki, Mexiko ştatında ölənlərin 21-i uşaqdır. Onlar məktəbin çökməsi zamanı dağıntılar altında qalıblar.

Qeyd edək ki, dünənki yeraltı təkanlar Meksika təqvimində eyni tarixdə baş vermiş 2-ci dağıdıcı zəlzələdir. Belə ki, daha əvvəl 8 bal gücündə zəlzələ məhz sentyabrın 19-u 1985-ci ildə qeydə alınmışdı. Həmin təkanlar zamanı 150 nəfər dünyasını dəyişmişdi.