Myanmanın dövlət müşaviri, faktiki lideri Aun San Su Kyu ilk dəfə Arakanda baş verənləri şərh edib.

Xarici KİV-ə istinadən xəbər veririk ki, liderin bəyanatı Türkiyə lideri ilə telefon görüşməsindən sonra rəsmi feysbuk hesabında dərc edilib. Su Kyu Arakanda baş verənlərlə bağlı yayılan məlumatları kütləvi dezinformasiya adlandırıb. Onun sözlərinə görə, Türkiyə hökümətinə Myanmadan kənarda çəkilmiş saxta şəkillər təqdim edilib:

“Bu, terrorçuların maraqlarına xidmət etmək məqsədilə müxtəlif birliklər arasında problem yaratmaq üçün nəzərdə tutulan nəhəng dezinformasiya aysberqidir”.

Myanma lideri onu da qeyd edib ki, ölkəsində terrorizmin möhkəmlənməsinin qarşısını almaq üçün bütün liderlərlə əməkdaşlıq edəcək.