Venesuela Prezidenti Nikolas Maduro dövlət başçısı vəzifəsini tərk etməklə bağlı ABŞ-a vəd verib.

 CNN xəbər verir ki, Venesuela nümayəndələri və Maduro müxtəlif kanallar vasitəsilə ABŞ-la danışıqlar zamanı istefaya getməyə hazır olduğunu bildirib.

“ABŞ ilə qeyri-rəsmi danışıqlar zamanı Maduro bəyan edib ki, o, istefaya getməyə hazırdır, lakin 18 aydan tez olmayacaq”, - məlumatda deyilir.

“The Wall Street Journal”un məlumatına görə, Tramp Maduronun könüllü şəkildə vəzifəsini tərk etməyəcəyi təqdirdə ABŞ güc tətbiqi də daxil olmaqla, müxtəlif variantları nəzərdən keçirəcək.

“The New York Times” öz növbəsində prezident Donald Trampın Maduro ilə telefonla danışdığını və şəxsi görüş imkanını müzakirə etdiyini yazıb.

"Müzakirə ilə tanış olan iki mənbənin bildirdiyinə görə, söhbət həftə sonu baş tutub. İki liderin ABŞ-da şəxsi görüşünün mümkünlüyü müzakirə olunub", - nəşr yazıb.

Tramp Maduro ilə telefon danışığını təsdiqləyib, lakin şərh verməkdən imtina edib.