Gürcüstan hökuməti meşə yanğınlarının söndürülməsi üçün iki vertolyot göndərən Azərbaycan hökumətinə, şəxsən prezident İlham Əliyevə təşəkkür edib.
Gürcü KİV-nə istinadən xəbər veririk ki, Daba kəndi yaxınlığında yerləşən meşə sahəsində avqustun 20-dən bəri başlayan yanğın məhdudlaşdırılıb. Ümumilikdə yanğın beş hektardan çox meşə sahəsini məhv edib. Güclü külək və çətin relyef səbəbindən yanğını tam söndürmək mümkün olmayıb. 
