Ukrayna prezidenti Pyotr Poroşenkonun fərmanı ilə vətəndaşlıqdan məhrum edilən Mixail Saakaşvili Kiyevdə qalacağını bəyan edib.

Ukrayna mediasına istinadən xəbər veririk ki, Odessanın keçmiş qubernatoru Kiyevdə qalacağı ilə bağlı açıqlamasını vətəndaşlıqdan məhrum edilməsi qərarının rəsmən elan olunmasından əvvəl verib.

Saakaşvili Kiyevdə mənzil almaq fikrində olduğunu bildirib: "Kiyevdə vətəndaşlıq olmadan oturacağam. Maydanda gəzişəcəyəm. Vəziyyətə baxarıq, bəlkə, burada balaca nəsə aldım. Biz Gürcüstandakı mənzilimizdən birini satmışıq".