Karlo Ançelotti futbol karyerasına “Real”da son qoyacaq.

Bunu italiyalı mütəxəssisin özü açıqlayıb.
O bildirib ki, “Real”dan sonra təqaüdə çıxmaq barədə düşünür: “Yəqin ki, “Real”dan sonra təqaüdə çıxacam. Klub mənim 10 il burada işləməyimi istəsə, daha 9 il də qalaram. Amma sonra nəvələrimlə vaxt keçirmək, həyat yoldaşımla məzuniyyətə getmək istəyirəm. Belə peşəni seçəndə digər məsələləri sonraya təxirə salmalı olursan. Heç vaxt Avstraliyada olmamışam, Rio-de-Janeyronu gəzməmişəm. Bacıma daha çox baş çəkmək istəyirəm. Təəssüf ki, indi bunu edə bilmirəm. Ona görə də təqaüdə çıxacağım vaxta təxirə saldığım işlərim var”.

Qeyd edək ki, 2013-15-ci illərdə də “Real”a rəhbərlik edən Ançelotti 2021-ci ilin yayında Madrid klubuna qayıdıb.