Siyasi motivlərlə həbs olunduğu iddia edilən şəxslərin azadlığa buraxılacağı gözlənilir.

Bu sözləri Axar.az-a hüquq müdafiəçisi Novella Cəfəroğlu Novruz bayramı ərəfəsində imzalanacaq əfv fərmanı haqda danışarkən deyib.

Onun sözlərinə görə, kimlərin əfv olunacağı ilə bağlı yekun qərar yalnız Prezident İlham Əliyevin səlahiyyətindədir: “Bizim siyahımızda yalnız siyasi motivlərlə həbs olunduğu bildirilən məhbuslar yer alıb. Çox istəyərdik ki, onların hamısı azadlığa çıxsın. Siyahımızda yer almış şəxslərin çoxunun azadlığa qovuşacağına inanırıq, lakin bu, ölkə başçısının səhaliyyətindədir. Əfv Komissiyası sadəcə siyahını Prezidentə təqdim edir, o isə uyğun gördüyü halda siyahını imzalayır”.

Novella Cəfəroğlu həmçinin Əfv Komissiyasının siyahısında rüşvət və korrupsiya ilə həbs edilən icra başçılarının yer almadığını da vurğulayıb.