Goranboy rayonununun Xoylu kənd sakini Anar Sülüymanov redaksiyamıza müraciət edərək bildirir ki, rayonun Xoylu, Qaradağlı və Yolqullar kəndinə gedən ana yolda yaranmış çuxurlar sürücüləri çətin vəziyyətə salıb.

"Dia-az"ın məlumatına görə, vətəndaş deyir ki, sakinlər dəfələrlə bununla bağlı aidiyyatı qurumlara müraciət edib: "2023-cü ildə yolu bərpa edəcəklərinə söz versələr də, bu günə qədər heç bir nəticə yoxdur..."

Şikayətçi deyir ki, yağış yağan kimi nəinki avtomobillər, heç piyadalar da yolu keçə bilmir. O, mətbuat vasitəsi ilə aidiyyatı qurumlara müraciət edərək bu məsəlınin həll olunmasında kənd sakinlərinə kömək etmələrini xahiş edir.şş (Dia-az)