SON DƏQİQƏ
XalqXeber.Az » Cəmiyyət » Əli Əhmədovun da dəbdəbəli malikanəsi var?

Əli Əhmədovun da dəbdəbəli malikanəsi var?

Tarix:

17-09-2020, 08:27

/ 1 125 dəfə oxundu.
Əli Əhmədovun da dəbdəbəli malikanəsi var?

Bu gördüyünüz Buzovna qəsəbəsində 2 hektardan çox ərazidə Baş nazirin müavini, Yeni Azərbaycan Partiyası Sədrinin müavini-İcra katibi Əli Əhmədovun malikanəsidir”.

Pravda.az-ın xəbərinə görə, bunu jurnalist Həbib Müntəzir özünün sosial şəbəkə hesabında yazıb. Özünü “təmiz məmur” kimi qələmə verən Əli Əhmədovun əslində kifayət qədər imkanlara və sərvətə malik olduğunu qeyd edən Həbib Müntəzir daha sonra yazır:

“Özü və ailəsinə aid 6-7 mənzilin olduğu ərazidə 2 ədəd hovuz mövcuddur. Yaxınlığında bacısı Şuranın da bağ evi var. Bu qədər sərvət azmış kimi, işlətdiyi fəhlələrin də pulunu vermədən, təmirdən sonra təhdid edərək qovmuş adamdır, çıxıb ədalətdən, qanundan nağıl danışır”.

O, eyni zamanda Əli Həsənov və digərlərinin Əli Əhmədovun sözügedən bağında tez-tez toplaşdıqlarını da vurğulayıb: “İstirahət günləri ora tez-tez Əli Həsənov, Bahar Muradova, Siyavuş Novruzov, Mübariz Qurbanlı, Məzahir Pənahov, Zahid Oruc və digərləri yığışırlar...”

Qarşı tərəfin də mövqeyini dərc etməyə hazırıq.

Şərhlər

XƏBƏR LENTİ