“Milli Dad”ın isethsal etdiyi Naxçıvan lavaşı kifli çıxıb.
Lavaşın üzərinə vurulan etiketdə 96 saat (4 gün) saxlanma müddəti qeyd olunur.
Lakin müştərilər tərəfindən redaksiyamıza edilən şikayətdə bildirilir ki, 13 aprel 2017 –ci il tarixində istifadəyə buraxılan məhsul, 17 aprel tarixində müştəri tərəfindən alınıb. Məhsulun kifləndiyini görüb şəkillərini çəkib redaksiyamıza üz tutub.
Məsələni aydınlaşdırmaq üçün lavaşın üzərindəki etiketdə qeyd olunmuş telefon nömrəsi ilə əlaqə saxladıq. İstehsalçı sexin sahibi, fiziki şəxs Ə.Məmmədov açıqlamasında isə bizi təhqir etməyə və şantajçılıqda günahlandırmağa başladı.
Sexin sahibi bilməlidir ki, mətbuat orqanlarının hüququ informasiya almaq, onun vəzifəsi isə KİV-ə məlumat verməkdir. Görünür, Ə.Məmmədov Azərbaycan qanunvericiliyindən yaxşı xəbəri yoxdur. Olsaydı, problemlə bağlı məlumat verib, məsələni aydınlaşdırmağa çalışardı.

Avropa.info