XalqXəbər.Az

www.XALQXEBER.az » Cəmiyyət » Ali Məhkəmədən İlqar Məmmədovla bağlı QƏRAR - BƏRAƏT VERİLDİ

Ali Məhkəmədən İlqar Məmmədovla bağlı QƏRAR - BƏRAƏT VERİLDİ

Ali Məhkəmədən İlqar Məmmədovla bağlı QƏRAR - BƏRAƏT VERİLDİ
23-04-2020, 12:08

Ali Məhkəmənin bu gün keçirilən plenum iclasında REAL sədri İlqar Məmmədovun cinayət işi üzrə şikayətə baxılıb.

Prosesdə qərar elan olunub.

Qərara əsasən, İ. Məmmədov barəsindəki cinayət işinə bəraətverici əsaslarla xitam verilib.

İ. Məmmədovun vəkili Fuad Ağayev faktı APA-ya təsdiqləyib.

Qeyd edək ki, İlqar Məmmədov 2013-cü il yanvar ayının 24-də İsmayıllıda baş vermiş kütləvi iğtişaşların təşkilində ittiham olunub. Şəki Ağır Cinayətlər Məhkəməsinin hökmü ilə 7 il azadlıqdan məhrum edilib. O, 2018-ci il avqustun 13-də Şəki Apelyasiya Məhkəməsinin qərarı ilə azadlığa buraxılıb, cəzanın çəkilməmiş hissəsi şərti hesab olunub.

İlqar Məmmədov Ali Məhkəməyə kassasiya şikayəti verərək barəsində bəraət hökmünün çıxarılmasını tələb edib.

Ali Məhkəmədə onun şərti cəzası ləğv edilib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.