SON DƏQİQƏ
XalqXeber.Az » Cəmiyyət » Zabitlərə tutduqları vəzifəyə uyğun rütbə veriləcək-QANUN DƏYİŞDİRİLDİ

Zabitlərə tutduqları vəzifəyə uyğun rütbə veriləcək-QANUN DƏYİŞDİRİLDİ

Tarix:

1-02-2017, 21:16

/ 3 517 dəfə oxundu.
Zabitlərə tutduqları vəzifəyə uyğun rütbə veriləcək-QANUN DƏYİŞDİRİLDİ

Azərbaycanda zabitlərə tutuduqları vəzifəyə uyğun rütbə veriləcək.
Milli Məclisin bu gün keçirilən plenar iclasın da Azərbaycan Respublikasının 1994-cü il 23 sentyabr tarixli 885 nömrəli Qanunu ilə təsdiq edilmiş “Azərbaycan Respublikası Silahlı Qüvvələrinin İntizam nizamnaməsi”ndə, Azərbaycan Respublikasının 1994-cü il 23 sentyabr tarixli 886 nömrəli Qanunu ilə təsdiq edilmiş “Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi”ndə, Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş “Hərbi xidmətkeçmə haqqında Əsasnamə”də dəyişiklik edilməsi barədə qanun layihələri müzakirə olunub.
Məsələ barədə məlumat verən Müdafiə, təhlükəsizlik, korruösiya ilə mübarizə komitəsinin sədri Ziyafət Əsgərov bildirib ki, “Azərbaycan Respublikası Silahlı Qüvvələrinin İntizam nizamnaməsi”ndə və “Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi”ndə təklif olunan dəyişikliklər texniki xarakterlidir. Belə ki, qanun layihələrinin müvafiq maddələrində yer alan “müdafiə nazirinin”, “Müdafiə Nazirliyi”, “milli təhlükəsizlik naziri və daxili işlər nazirləri” və “Milli Təhlükəsizlik Nazirliyinin” sözləri “müvafiq icra hakimiyyəti orqanı rəhbərinin”, “müvafiq icra hakimiyyəti orqanının” sözləri ilə əvəzlənir. Dəyişiklik Azərbaycan Respublikası Prezidentinin 2015-ci il 14 dekabr tarixli Fərmanına müvafiq olaraq Dövlət Təhlükəsizliyi Xidmətinin yaradılması ilə əlaqədar mövcud qanunvericiliyin təkmilləşdirilməsi məqsədi daşıyır. Eyni məqsədlə, “Hərbi xidmətkeçmə haqqında Əsasnamə”yə də müvafiq dəyişikliklər edilib.
Dəyişikliyə görə, zabit heyəti vəzifələrini tutmaq üçün Azərbaycan Respublikasının dövlət orqanlarında qulluq (xidmət) keçən şəxsləri həqiqi hərbi xidmətə qəbul edərkən onlara yenidən attestasiya edilmə qaydasında, lakin tutduğu vəzifə və rütbəsi nəzərə alınmaqla təyin olunacaqları vəzifə üzrə nəzərdə tutulmuş hərbi rütbədən yuxarı olmayan Azərbaycan Respublikası Silahlı Qüvvələrinin zabit heyəti rütbəsi verilir.

Şərhlər

XƏBƏR LENTİ