...PREZİDENT İLHAM əLİYEV NEÇƏ GÜN ƏVVƏL BAKININ TIXAC PROBLEMİNƏ HƏSR EDİLMİŞ MÜŞAVİRƏ KEÇİRDİ...
AYNA-nın rəhbəri hər şeydən danışdı, amma Bakıdakı onsuz da tıxaclı mövcud yolları daraldıb pulyığma mənbəyi olan parklamadan və tək-tük velosipedçisi olan  velosiped zolağının hansı səmərə verdiyindən danışmadı. Axı yol nəqliyyatındakı dəyişikliyin-islahatın fəlsəfəsi sərnişinlərin mənzil başına rahat və tez daşınmasından ibarətdir. Bakı sərnişinləri isə saatlarla tıxacda qalırsa, demək, bu fəlsəfə düşgün yazılmayıb, onu dəyişmək lazımdır! 
***
 Dəfələrlə müşahidə aparmışam: H.Əliyev, 8 Noyabr və Babək istiqamətindən gəlib (Abşeron yarımadasının payına düşən yaşayış ərazilərindən) "Azneft" dairəsi istiqamətinə yönələn avtomobillərin 90 faizi rayon istiqamətinə gedir. Əks istiqamətdə də eyni mənzərədir... Ən çox sıxlıq da bu ərazidədir. Həmin avtomobillərə Ağ Şəhər istiqamətindən bulvarkənarı yolla (Qara dənizin sahili boyu- Trabzonda olan kimi) Lökbatan dairəsi istiqamətinə getməsi təmin edilməlidir... Niyə rayonlara, eləcə də "Binə" və "Sədərək" bazarlarına gedən bu avtomobillər Bakının mərkəzinə daxil olmalıdır???
Nəhayət, Bakının gələcəyi üçün: 3 tərəfi su olan Abşeron yarımdasında yerləşən paytaxtın gələcəyi naminə Bakının mərkəzdəki göydələn tikintisi dayandırılmalıdır! Bakı bu yolla barama qurdu kimi özünə tor tikir!

Asif MƏRZİLİ - tezadlar.az