28.09.2024-ci il tarixində Qafqaz Riverside oteldə “Birinci Qəbələ konqresi” keçirildi. Legendcompany MMC-nin  təsisçi- rəhbəri Əfsanə Nəbiyevanın təşkilatçılığı ilə keçirilən elmi konqresdə həkimlər, təhsil işçiləri, peşəkar psixoloqlar, universitet professorları iştirakı edirdilər. Konqresdə Bakı, Gəncə, Qəbələ, Cəlilabad şəhəri olmaqla ümumilikdə 20 şəhid ailəsi, 70 nəfər ziyalı yer almışdır. Çox maraqlı və olduqca əhəmiyyətli bir görüşün məqsədi konqres iştirakçılarını maarifləndirmək, rahat, sərbəst bir mühitin formalaşmasında yeni fikirlərin səslənməsi idi. İştirakçılar rəngarəng və olduqca maraqlı mövzularla çıxış etdilər, əhəmiyyətli təkliflər irəli sürdülər. Konqres iştirakçıları məruzəçilərə bir-birindən maraqlı suallar verib, dolğun cavablar aldılar. Aktuallığı ilə səciyyələnən mövzularla əlaqədar təkliflər irəli sürdülər və maraqlı ideyalarla çıxışlar olundu.  Konqresin rəsmi tərəftaşı psixologiya departamenti idi.                                           
Konqres iştirakçılarına “John Pablo” firmasının hədiyyələri verildi, ziyalılar sertifikatlarla təltif olundular. Nəzərinizə çatdırırıq ki, “John Pablo” firması kefiyyətli, təbii doğal məhsulları ilə hər kəsin zövqünə oxşayıb. Artıq 20 ildir Azərbaycanda gözəllik sektorunda fəaliyyət göstəririr. “John Pablo” firmasının Azərbaycanda təmsilçisi Ali Akgedikdir.                                                    
Şəhid analarına və iştirakçılara tort göndərdiyinə görə Qəbələdə yerləşən “Kamaloğlu” Şirniyyat Evinə təşəkkür edirik.                                                           
Sonda xatirə fotolar çəkildi.  

Yeganə Telmanqızı 
XeberTıme.az