XalqXəbər.Az

XalqXeber.Az » Sosial » "Təmiz Qaz”da ƏMƏKHAQQI ÜSYANI... - işçilərin maaşını kəsirlər?

"Təmiz Qaz”da ƏMƏKHAQQI ÜSYANI... - işçilərin maaşını kəsirlər?

"Təmiz Qaz”da ƏMƏKHAQQI ÜSYANI... - işçilərin maaşını kəsirlər?
19-06-2021, 12:24

2016-cı ilin martında yaradılan və ölkənin bütün regionlarını əhatə edən “Təmiz Qaz” QSC-də əmək haqqı üsyanı yaşanır. QSC-də çalışan yüzlərlə işçinin əmək haqqı heç bir səbəb göstərilmədən 30-40 faiz azaldılır.


Bu haqda “Yeni Müsavat”a məlumat verən QSC-nin adının çəkilməsini istəməyən içiləri deyiblər ki, bu ilin 31 mayından bütün işçilərə yeni müqavilə təqdim edilib: “Müqavilədə əmək haqları 30-40 faiz az göstərilir. Yəni 500 manat alan bu müqaviləyə imza atırsa, növbəti aydan 340-350 manat alacaq. Bu gün ölkədə ciddi şəkildə pulun qiymətdən düşməsi prosesi var. 100 manata 5 günlük azuqə ala bilmirik. Əmək haqqımızı artırmaq əvəzinə kəsirlər. Etiraz edirik, deyirlər ki, yeni müqaviləni imzalamayanlar işdən çıxarılacaq. Burada bizimlə çiyin-çiyinə işləyən 2-ci Qarabağ müharibəsinin iştirakçıları da var. Onların da əmək haqqını kəsirlər”.

“Yeni Müsavat” əməkdaşı olaraq məsələ ilə bağlı “Təmiz Qaz” QSC-nin direktor müavini Elnur Məmmədovla əlaqə saxladıq. Müavin “məndə bu haqda məlumat yoxdur” dedi.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.