XalqXəbər.Az

XalqXeber.Az » Sosial » Şahdağ Turizm Mərkəzində qalmaqal - Vətəndaşlar içəri buraxılmır

Şahdağ Turizm Mərkəzində qalmaqal - Vətəndaşlar içəri buraxılmır

Şahdağ Turizm Mərkəzində qalmaqal - Vətəndaşlar içəri buraxılmır
2-02-2021, 14:47

Şahdağ Turizm Mərkəzində qalmaqal yaşanır.

Dominant.az xəbər verir ki, bu gün Şahdağ Turizm Mərkəzinə istirahətə gələn şəxslər turizm mərkəzinə buraxılmayıb.
Orada olan vətəndaşların bildirdiyinə görə, onlardan içəri keçə bilmələri üçün hoteldə otaq götürmələri tələb olunur: “Mərkəzin girişində post qurulub, heç kim içəri buraxılmır. Ancaq hoteldə əvvəlcədən yer götürən şəxslər içəri buraxılır. Postda oturmuş mühafizəçilərin dediyinə görə, bu barədə onlara nazirlikdən tapşırıq verilib, ancaq hansı nazirlik olduğu açıqlanmır. Otelin əməkdaşları da gəlib bildirdilər ki, əgər içəri daxil olmaq istəyiriksə, onlayn şəkildə hoteldən otaq götürməliyik. Hoteldə ən ucuz otağın qiyməti 100 manatdır. İndi belə anlaşılır ki, biz təkcə içəri keçə bilmək üçün 100 manat ödəməliyik. İndiyə qədər belə halla qarşılaşmamışdıq, belə tələb olduğundan xəbərsiz idik. Əgər şərtləri dəyişdirmişdilərsə, vətəndaşlara bu barədə əvvəlcədən məlumat verilməliydi. Nə qədər yol qət etmişik bura gələnə qədər”.
Mərkəzə buraxılmayan insanların arasında müharibə əlliləri və şəhid ailələri də var. Mərkəzə buraxılmayan şəxslər otel rəhbərliyinə yox, dövlətə, hakimiyyətə qarşı etiraz edirlər.
Yaranmış xoşagəlməz vəziyyətlə bağlı rəsmi məlumat almaq üçün Şahdağ Turizm Mərkəzinin aidiyyəti şəxsləri ilə əlaqə saxlamağa çalışdıq. Təssüflər olsun ki, yığdığımız nömrələrin heç biri cavab vermədi.
Şahdağ Turizm Mərkəzində qalmaqal - Vətəndaşlar içəri buraxılmır

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.