SON DƏQİQƏ
XalqXeber.Az » Sosial » Qolunu itirmiş qazimizə rəsmi biganəlik... - "Sumqayıtın İcra Başçısı, Hacı Zeynalabdin qəsəbə icra nümayəndəsi..."

Qolunu itirmiş qazimizə rəsmi biganəlik... - "Sumqayıtın İcra Başçısı, Hacı Zeynalabdin qəsəbə icra nümayəndəsi..."

Tarix:

25-11-2020, 09:53

/ 942 dəfə oxundu.
Qolunu itirmiş qazimizə rəsmi biganəlik... - "Sumqayıtın İcra Başçısı, Hacı Zeynalabdin qəsəbə icra nümayəndəsi..."

"Təəssüf edirəm ki, bir dəfə də olsun Sumqayıt İcra Hakimiyyəti və Hacı Zeynalabdin icra nümayəndəsindən mənimlə maraqlanan olmayıb".

Bu sözləri Azərbaycanın ərazi bütövlüyü uğrunda gedən vətən müharibəsində sağ qolunu itirən qazı, Sahil Həsənov "Azad Söz"ə müsahibəsində deyib. Qazi Sumqayıt dövlət qurumlarının ona qarşı biganəliyindən gileylənib:

"Mənə ancaq millətim, Bakıdan, Sumqayıtdan, Hacı Zeynalabdin (Nasosnıy) qəsəbəsindən və hətta Heydər Əliyev fondu əməkdaşları gəliblər. Lakin Sumqayıtın İcra Başçısı, Hacı Zeynalabdin qəsəbə icra nümayəndəsi öz təşəkkürlərini bildirməyiblər. Mənə onların təşəkkürü lazım deyil, gəlsinlər şəhid ailələrinə baş çəksinlər, şəhidlərin müqəddəs analarının əllərindən öpsünlər, onlara təşəkkürlərini bildirsinlər, bəs edər mənə. Bunlarda olunmur, çox təəssüf. Belə bir hadisələrlə tez-tez rastlaşırıq, amma xalqımdan razıyam. Şəhid ailələrinə, qazilərə gəlib baş çəkirlər, xalqımdan həttindən artıq çox razıyam və ən əsası xalq dəstəkləyir. Deyim ki, Sumqayıt İcra Başçısı gəlib baş çəkib, yalan çıxar. Hacı Zeynalabdin icra nümayəndəsi (kənd soveti) və bələdiyyəsi heç biri gəlib baş çəkmir, çox təəssüf".

Qeyd edək ki, Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və Birinci vitse-prezident Mehriban Əliyeva 1 saylı Kliniki Tibbi Mərkəzdə müalicə olunan hərbçilərlə görüşərkən, bu parlaq qələbə münasibətilə onları şəxsən təbrik edib, onlara öz təşəkkürünü bildirib. Ancaq təəssüf ki, Hacı Zeynalabdin qəsəbəsinin icra nümayəndəsi Lalə Hacıyeva və bələdiyyə sədri Əsli Qasımova isə Sahil Həsənov kimi qaziləri diqqətdən kənarda qoyur.

Şərhlər

XƏBƏR LENTİ