"Səhər və axşam saatlarında işləyən insanların sayını nizamlamaqla ictimai nəqliyyatda sıxlıq aradan qaldırıla bilər. Bu məsələ ilə bağlı Operativ Qərargaha təkliflər vermişik. Təklifimiz qəbul olunsa, işə gələnlər və işdən çıxanlar 3 ayrı qrupa bölünəcək.
Bunu Nazirlər Kabineti yanında Operativ Qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.
Onun sözlərinə görə, ayrı-ayrı saatlarda - saat 08:00, 08:30 və 09:00 olmaqla və ya bir saat fasilələrlə işə gəlmək və axşam belə ardıcıllıqla işdən gec çıxmaqla ictimai nəqliyyatda sıxlığın aradan qaldırılması mümkündür.