XalqXəbər.Az

www.XALQXEBER.az » Sosial » “Salyan OİL” şirkətinin fəhlələri etiraz aksiyası keçirdilər

“Salyan OİL” şirkətinin fəhlələri etiraz aksiyası keçirdilər

“Salyan OİL” şirkətinin fəhlələri etiraz aksiyası keçirdilər
15-01-2020, 19:34

Bu gün səhər saatlarında “Salyan OİL” Əməliyyat Şirkətinin 200 nəfərə yaxın fəhləsi qurumun Kərimbəyli kəndindəki ofisinin qarşısına toplaşaraq xəbərdarlıq aksiyası keçiriblər.

Virtualaz.org-un Şirvan bürosunun məlumatına görə, fəhlələr bütün əməliyyat şirkətləri arasında ən az əməkhaqqı aldıqlarının bildirərək maaşlarının qaldırılmasını tələb ediblər. 2 saata yaxın davam edən aksiyadan sonra etirazçı fəhlələrin 7 nəfər nümayəndəsi rəhbərlik tərəfindən qəbul edilib. Müzakirələr nəticəsində əldə olunmuş razılığa görə, şirkət rəhbərliyi 2 gün ərzində fəhlələrə görə biləcəyi tədbirlər barədə məlumat verəcək.

Qeyd edək ki, hazırda müəssisədə 900 nəfərə yaxın işçi çalışır, sutkalıq neft hasilatı 600-700 ton, fəhlələrin orta aylıq əməkhaqqı isə 450-500 manatdır.

Azərbaycanın quru ərazisinin Kür çökəkliyində yerləşən “Kürsəngi” və “Qarabağlı” neft yataqları müvafiq olaraq 1962-ci və 1960-ci illərdən istismar edilməyə başlanıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.