XalqXəbər.Az

XalqXeber.Az » Sosial » “Atena” şirkətinin işdən çıxarılan 250-dən çox işçisi etiraz aksiyası keçirib - FOTO

“Atena” şirkətinin işdən çıxarılan 250-dən çox işçisi etiraz aksiyası keçirib - FOTO

“Atena” şirkətinin işdən çıxarılan 250-dən çox işçisi etiraz aksiyası keçirib - FOTO
23-04-2018, 09:14

Süd və süd məhsulları istehsalçısı “Atena” şirkətinin işdən çıxarılan 250 nəfərdən çox işçisi etiraz aksiyası keçirib. APA-nın yerli müxbirinin xəbərinə görə, işdən çıxarılan işçilər aprelin 22-də şirkətin Ağcabədi rayon ərazisində yerləşən ofisi qarşısına toplaşaraq narazılıqlarına hüquqi qiymət verilməsini tələb ediblər.

“Atena” şirkətinin səhmdarlarından biri Arif Rəsulov açıqlamasında bildirib ki, xüsusilə satış və mühafizə işində çalışan işçilər işdən azad edilib. Onun sözlərinə görə, zavodun istehsal edilən süd və süd məhsulları başqa firmaya ünvanlanıb: “İşçilər xəbərdarlıq edilmədən işindən azad edilib. Biz təklif vermişik ki, Müşahidə Şurası verdiyi qərarı dondursun. Əgər verilən qərar qüvvədə qalsa, bütün işçilər öz işini itirəcək”.

Aksiya iki saat davam edib. Tərəflərin müvəqqəti razılaşmasına görə, işsiz qalan işçilərə 24 saat ərzində cavab veriləcəyi bildirilib. Bundan sonra etirazçılar zavodu tərk ediblər.

“Atena” –nın Direktorlar Şurasının sədri Qəmbər Sübhanverdiyev APA-ya açıqlamasında aksiyanı yersiz hesab etdiyini bildirib: “Burda heç kim işdən çıxarılmayıb. Sadəcə şirkət xərclərin optimallaşdırılması üçün xərclərin bir hissəsini başqa şirkətə yönləndirib. Onlar bizim əməkdaşlarımızdır. Əmək qanunvericiliyinə görə, belə bir hal olsa, əmək qanunlarına əməl olunacaq. Biz belə qərar verdik ki, yenidən toplanaq və bir qərar verək”.
“Atena” şirkətinin işdən çıxarılan 250-dən çox işçisi etiraz aksiyası keçirib - FOTO
“Atena” şirkətinin işdən çıxarılan 250-dən çox işçisi etiraz aksiyası keçirib - FOTO
“Atena” şirkətinin işdən çıxarılan 250-dən çox işçisi etiraz aksiyası keçirib - FOTO
“Atena” şirkətinin işdən çıxarılan 250-dən çox işçisi etiraz aksiyası keçirib - FOTO

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.