Parlament prospektindəki səkinin (20 saylı orta məktəblə üzbəüz) yaşıllıq hissəsinə plitələr döşənir.
“Yeni Sabah” xəbər verir ki, əvvəl səkinin kənarında kol bitkiləri olub, indi isə yaşıllığın yerinə daş döşənir.
Analoji hadisə Həzi Aslanov metrostansiyasının yanında da baş verib.
Bunu artıq xərc və səmərəsiz iş hesab edən sakinlər, eyni zamanda, şəhər mühitinin getdikcə daha çox boz rəngə büründüyünü bildirir.
Qeyd edək ki, son dövrdə yol kənarlarında yaşıllıqların ləğv edilməsi və daş döşənməsi ilə bağlı xəbərlərin sayı artıb. 
