Səma Camalqızı adlı sosial şəbəkə istifadəçisi "Kontakt Home"dan şikayət edib.
Axşam.az-ın məlumatına görə, xanım bildirib ki, mağazadan aldığı məhsullar sınıq çıxıb:
"Sınıq-salxaq home!!! "Kontakt home"dan məhsul alarkən, üç dəfə diqqətli olun. Öz adıma deyirəm, son 6 ayda aldığım 2 məhsulun ikisi də qüsurludur. Artıq bizim evdə ora "Kontakt home" yox, "sınıq home" deyirlər. Məncə, bu ad ona daha çox yaraşıb.
Məhsulun qüsuru ilə bağlı müraciət etdikdə isə deyirlər ki, servisə aparın. Ay millət servisə muraciət olunmuş məhsula o qədər pul verəcəkdimsə, onda ikinci əl məhsul alardım da".
Qeyd edək ki, Səma bir vaxtlar aparıcı kimi fəaliyyət göstərib. O, "Xəzər" telekanalında çalışırdı.
