Azərbaycanın 10 milyonuncu vətəndaşının anadan olması münasibətilə Nərimanov Rayon İcra Hakimiyyətinin təşkilatçılığı ilə ağacəkmə aksiyası keçirilib.

Aksiyada Nərimanov rayonu, Ələsgər Qayıbov küçəsində, Bakı Metropoliteninin yeni təmir olunmuş Bakmil Stansiyasının yaxınlığında, 1300 kvadrat metr ərazidə, 500 ədəd iqlimə uyğun ağac əkilib.

Aksiyada 250 nəfər iştirak edib. Əkilən ağaclara qulluq məsələləri Rayon İcra Hakimiyyəti tərəfindən nəzarətə alınıb.

Qeyd edək ki, icra başçısının qərarı ilə elan olunmuş 28 mart - 28 aprel tarixləri arasında “Təmizlik ayı” çərçivəsində hər həftənin şənbə və bazar günləri iməcilik keçiriləcək.