…Aşağıda təqdim edilən fotoşəkillər facebook istifadəçisi, jurnalist Zaur Vəliyev tərəfindən «Təzadlar»a göndərilib. Fotoşəkillərdə Azərbaycan Mədəniyyət Nazirliyinin balansında olan kitabxanalardan birinin vəziyyəti təsvir olunur. Çölün düzündə, kol-kosun arasında bir dəmir «budka»dadan ibarət olan bu kitabxana, əgər ona elə demək mümkündürsə, İmişli rayonunda yerləşir. «Budka»nın üzərinə isə belə yazılıb: «Azərbaycan Mədəniyyət Nazirliyi: Kürdəmir Regional Mədəniyyət İdarəsi: İmişli rayon MKS-nin 5№-li Cavadxanlı kənd kitabxana filialı» sözləri yazılıb.
Çox istərdik ki, kitab mədəniyyətimizə bu boyda hörmətsizliyin bariz və tipik nümunəsi ilə nazir Əbülfəz Qarayev tanış olsun. Biz qəti əminik ki, nazir bu dırnaqarası kitabxanadan, daha doğrusu, Kürdəmir Regional Mədəniyyət İdarəsinin qara əməllərindən xəbərsizdir. Amma daha bu qədr də yox. Sadəcə, bu cür əməllər ayıb olan işdir. Yəqinki araşdırılsa, məlum olacaq ki, bu «kitabxana»nın ayağında 5-6 işçi, aylıq məvaciblər, «ölü can»lar var. Doğrudanmı bu mənfur yazanclara görə kitab mədəniyyətimizə bu qədər ağır zərbə vurmağa, gözdən salmağa dəyər. Sonra da deyirlər ki, kitab oxuyan yoxdur. Belə vəziyyətdə camaat kitabı necə oxusun???
Son söz Mədəniyyət Nazirliyinindir.

"Tezadlar"