XalqXəbər.Az

www.XALQXEBER.az » Sosial » Qalib Rəhimovun oğluna 8 il həbs tələbi

Qalib Rəhimovun oğluna 8 il həbs tələbi

Qalib Rəhimovun oğluna 8 il həbs tələbi
15-03-2018, 13:19

Bu gün Bakı Ağır Cinayətlər Məhkəməsində Bakı Şəhər Baş Polis İdarəsinin mətbuat xidmətinin rəhbəri Qalib Rəhimovun oğlu, ölümlə nəticələnən yol qəzası törətməkdə təqsirləndirilən Arif Rəhimova cəza istənilib.

Hakim Cavid Hüseynovun icraatında olan prosesdə dövlət ittihamçısının çıxış edərək A.Rəhimovun 8 il müddətinə azadlıqdan məhrum edilməsini istəyib.

Qeyd edək ki, sentyabrın 7-də saat 16 radələrində Səbail rayonu ərazisində Bakı şəhər sakini Arif Rəhimov idarə etdiyi “Subaru” markalı avtomobili yolun kənarında dayanan paytaxt sakini Seymur Məmmədova məxsus “Toyota Prado” markalı avtomobilə vurub və idarəetməni itirdiyindən avtomobil Lerik rayon sakini Füzuli Məmiyevin idarə etdiyi “Opel” markalı avtomobilə çırpılıb.

F.Məmiyev və sərnişinlərindən həmyerlisi Kamal Məmmədov hadisə yerində ölüb, digər 2 sərnişini, A.Rəhimov və 1 sərnişini xəstəxanaya yerləşdirilib. Hadisə A.Rəhimov dəniz kənarındakı istirahət mərkəzlərindən birindən qayıdarkən baş verib. Onun atası Q.Rəhimov “Subaru” markalı avtomobilin sahibi olduğu üçün zərərçəkmiş şəxs kimi tanınıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.