Güvən Klinikasında ovtalmoloq Fəxriyyə Yusifzadə vətəndaşa dərman yazarkən ciddi səhvə yol verib.
Təzəxan Muradov A24.Az-a müraciətində bildirib ki, sol gözündə katarakta (mirvari suyu) ilə bağlı Güvən Klinikasına müraciət edib.
Həkim dərmanı sol gözünə yazmaqdan sağa müalicə təyin edib.
“Gözümdə müayinə aparıb resept yazdı. Bildirdi ki, bu dərmanı tök 3 gün sonra gözünü əməliyyat edəcəyik. Aptekdən dərmanı alandan sonra evdə baxdım ki, dərmanı sola yazmaqdan saga yazıb. Təkrar klinikaya getdim, həkimə bildirdim ki, səhvə yol verib. Mənə dedi ki, mexaniki səhv olub”- deyə şikayətçi bildirib.
Qarşı tərəfin mövqeyini işıqlandırmağa hazırıq.