XalqXəbər.Az

XalqXeber.Az » Bölgə » Şəki sakininin dərdini dinləyən yoxdur... - GİLEY

Şəki sakininin dərdini dinləyən yoxdur... - GİLEY

Şəki sakininin dərdini dinləyən yoxdur... - GİLEY
3-12-2020, 09:47

Şəki şəhər sakini Nurlan Oqtay qızı Əhmədova bakalavr və magistr təhsili alıb, hazırda işsizdir. O, valideynlərini vaxtsız itirdiyinə görə, dayısının himayəsində yaşayır. Nurlan Əhmədova 190 manat ödəmə ilə bağlı online müraciət edib. Ancaq e-sosial.az portalından onun telefonuna “əmək pensiyaçısı olduğu üçün NAZİRLƏR KABİNETİNİN müvafiq əmrinə əsasən 190 manat birdəfəlik ödəmə verilməsindən imtina edilmişdir” mesajı gəlib.

DİA.AZ bildirir ki, Nurlan Əhmədova isə hər iki valideynini itirdiyinə görə vaxtıilə müavinət aldığını, ancaq 2019 – cu ildə magistr təhsilini başa vurduqdan sonra bu müavinətin kəsildiyini qeyd edir. O, həmçinin Əmək və Əhalinin Sosial Müdafiəsi Nazirliyindən şikayətçi olduğunu bildirib. Belə ki, Nurlan Əhmədova dəfələrlə bu məsələ ilə bağlı müvafiq qurumlara məlumat versə də, hələ də onun şikayətinin heç bir nəticəsi olmayıb.

İddia olunanlarla bağlı bütün maraqlı tərəfləri dinləməyə hazırıq...

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.