Qusar rayonunun Həzrə kəndi ərazisində yerləşən XVI əsrin əvvəllərinə aid tarix-memarlıq abidəsi məhv olmaq təhlükəsilə üzləşib.
Bununla bağlı Demokrat.az-ın əməkdaşı türbə ərazisindən fotoreportaj hazırlayıb.
Fotolardan da aydın görmək olur ki, Şah İsmayıl Xətainin babası Şeyx Cüneydin məzarı üzərində tikilən bu tarixi türbənin daşıyıcı divar və giriş hissələrində abidənin dağılmasına gətirib çıxara biləcək qəzalı vəziyyət yaranıb.
Təəssüf ki, Qusar rayonun aidiyyatı qurumları və hökumətin müvafiq strukturları məsələ ilə bağlı hələ də hər hansı ciddi tədbir görmürlər. 
