SON DƏQİQƏ
XalqXeber.Az » Siyasət » Xarici dövlətlərdə himnimizin ifası ilə bağlı qərarda dəyişiklik edildi

Xarici dövlətlərdə himnimizin ifası ilə bağlı qərarda dəyişiklik edildi

Tarix:

29-09-2021, 19:20

/ 354 dəfə oxundu.
Xarici dövlətlərdə himnimizin ifası ilə bağlı qərarda dəyişiklik edildi

 Nazirlər Kabineti “Xarici dövlətin ərazisində Azərbaycan Respublikasının keçirdiyi təntənəli tədbirlər zamanı Azərbaycan Respublikasının Dövlət Himninin ifa edilməsi Qaydası”nda dəyişiklik edib. Bu barədə müvafiq qərarı Baş nazir Əli Əsədov imzalayıb. Sənədə əsasən, Azərbaycan Respublikasının Dövlət Himni xarici dövlətlərin ərazisində Azərbaycan Respublikasının keçirdiyi Azərbaycan Respublikasının Vətən Müharibəsi qəhrəmanlarının abidələrinin və ya xatirə lövhələrinin açılışı zamanı ifa ediləcək. Buna qədər Dövlət Himni xarici dövlətlərin ərazisində Azərbaycan Respublikasının keçirdiyi Azərbaycan Respublikasının bayramlarına, Azərbaycan dövləti və xalqı üçün mühüm tarixi hadisələrə həsr olunmuş təntənəli yığıncaqların və iclasların açılışı və bağlanışı zamanı, Azərbaycanın görkəmli dövlət, siyasi, ictimai, elm, ədəbiyyat, incəsənət xadimlərinin və Azərbaycanın Milli qəhrəmanlarının abidələrinin və ya xatirə lövhələrinin açılışı zamanı, həmçinin dövlət orqanları (qurumları), yerli özünüidarə orqanları, siyasi partiyalar və ya qeyri-hökumət təşkilatları tərəfindən keçirilən mərasimlər və digər təntənəli tədbirlər zamanı (Azərbaycan Respublikasının Dövlət Bayrağı qaldırılarkən və ya asılarkən) ifa edilirdi.

Şərhlər

XƏBƏR LENTİ