SON DƏQİQƏ
XalqXeber.Az » Siyasət » İlham Əliyev Putinlə görüşdü

İlham Əliyev Putinlə görüşdü

Tarix:

3-10-2019, 16:32

/ 769 dəfə oxundu.
İlham Əliyev Putinlə görüşdü

Oktyabrın 3-də Soçidə Azərbaycan Respublikasının Prezidenti İlham Əliyevin və Rusiya Federasiyasının Prezidenti Vladimir Putinin görüşü olub.

Prezident Vladimir Putin Prezident İlham Əliyevi qarşılayıb.

Dövlət başçıları birgə foto çəkdiriblər.

Görüşdə Vladimir Putin qeyd edib ki, iki ölkə arasında ticarət-iqtisadi əlaqələri müsbət dinamika ilə inkişaf edir.

Onun fikrincə, ölkələr arasında bu istiqamətdə yaxşı perspektivlər var. "Mən Azərbaycan Prezidentinin müəllifi olduğu planları nəzərdə tuturam. Öz tərəfimizdən bu xüsusi layihələri həyata keçirmək üçün əlimizdən gələni edirik. Digər sahələrdə əlaqələrin necə inkişaf etdiyinə dair məlumat mübadiləsi aparırıq. Ümid edirəm ki, bu gün buna müvəffəq olacağıq və maraqlı bir ümumi müzakir aparacağıq".

Öz növbəsində, Əliyev görüşmə imkanı yaratdığı üçün Rusiya liderinə təşəkkür edib: "Ticarət əlaqələrimizdə əvvəlki illər olduğu kimi, bu ildə böyük nəticələr var. Əldə etdiyimiz məlumatlara görə, bu ilin avqust ayına qədər (artım) ticarət əlaqələrimiz 20% -dən çox idi. Bizim üçün Rusiya vacib tərəfdaş, dost, yaxşı qonşudur. Bu münasibətləri qiymətləndiririk. Əminəm ki, bugünkü müzakirə əlaqələrimizin daha da möhkəmlənməsinə yaxşı töhfə olacaq".

İlham Əliyev qeyd edib ki, Rusiya ilə Azərbaycanın münasibətləri strateji tərəfdaşlıq xarakteri daşıyır.

Şərhlər

XƏBƏR LENTİ